ಮಂಗಳೂರು: ಬೆಂಗಳೂರು ಕ್ಯೂಸಿಎಫ್‌ಐ ಅಧ್ಯಾಯ ಆಯೋಜಿಸಿದ್ದ ಗುಣಮಟ್ಟ ಪರಿಕಲ್ಪನೆಗಳ ಅಧ್ಯಾಯ ಸಮ್ಮೇಳನ–2026ರಲ್ಲಿ ಮಂಗಳೂರು ವಿಮಾನ ನಿಲ್ದಾಣವು ಎರಡು ಚಿನ್ನದ ಪದಕಗಳನ್ನು ಗೆದ್ದಿದೆ.
‘ಟೀಮ್ ಮಾರ್ಗದೀಪ್’ ತಂಡದ ಕೃಷ್ಣದಾಸ್ ಎಂ.ಎಸ್. ಮತ್ತು ಇಪ್ಪ್ಸಿತಾ ಚೌಧರಿ ಅವರು ಸಹಯೋಗಿ ಪರಿಕಲ್ಪನೆ ವಿಭಾಗದಲ್ಲಿ ಚಿನ್ನದ ಪದಕ ಗಳಿಸಿದ್ದಾರೆ. ವಿಮಾನ ನಿಲ್ದಾಣದಲ್ಲಿ ಅಳವಡಿಸಿರುವ ನಿಖರ ಮಾರ್ಗಸೂಚಿ ಬೆಳಕು ವ್ಯವಸ್ಥೆ– ವರ್ಗ 1 ಕುರಿತು ಅವರು ಕೈಗೊಂಡ ಕಾರ್ಯಕ್ಕೆ ಈ ಪ್ರಶಸ್ತಿ ಲಭಿಸಿದೆ.
ಇದೇ ವೇಳೆ, ‘ಟೀಮ್ ಸೇಫ್ ಎಡ್ಜ್’ ತಂಡದ ಪ್ರಣಯ್ ಆಗಸ್ಟಿನ್ ಫ್ರಾನ್ಸಿಸ್ ಮತ್ತು ಪ್ರಜೇಶ್ ಪ್ರಕಾಶ್ ಅವರು ಸಹಯೋಗಿ (ಕೈಝೆನ್) ಪರಿಕಲ್ಪನೆ ವಿಭಾಗದಲ್ಲಿ ಚಿನ್ನದ ಪದಕ ಪಡೆದಿದ್ದಾರೆ.
